DI MARIA ATOA SIRI, HUWA HAANGALII MECHI ZA LIGI YA MABINGWA ULAYA

 Kiungo nyota wa Manchester United, Angel Di maria ameeleza machungu yake ya kutocheza Ligi ya Mabingwa Ulaya na kusema, kamwe huwa haangalii mechi hizo.

Di Maria ambaye ni mchezaji ghali zaidi England amesema wakati wa mechi za Ligi ya Mabingwa Ulaya, amekuwa akiutumia muda huo kucheza na mwanaye.

Hata hivyo, winga huyo aliyesajiliwa kwa pauni milioni 60 akitokea Real Madrid, anaamini Man United itarejea kwenye michuano hiyo msimu ujao.

Man United bado imekuwa inakwenda kwa muda wa kusuasua kutokana na kutopata matokeo mazuri kwenye Ligi kuu England.