UNAJUA KUWA RUVU SHOOTING NDIYO WATEJA WAKUBWA ZAIDI WA YANGA? SOMA HAPA

Na Saleh Ally

UKIMSIKILIZA Masau Bwire wakati amewageuzia Yanga kibao na kuanza kuwapa hadithi ya mvuvi na nyavu zake, utasikia raha na kuona kuwa soka, lina raha hata nje ya uwanja.

Msemaji huyo wa Ruvu Shooting alitamba kwamba wangeisimamisha Yanga katika mechi yao ya Ijumaa iliyopita, lakini kikosi chake kikaambulia kipigo cha mabao 5-0 huku yeye akiwa jukwaani hoi.

Masau ni shujaa, ana uwezo wa kuzungumza na kuipoteza historia inayojengwa na rekodi kwamba Ruvu Shooting ndiyo wateja wakubwa wa Yanga katika kipindi cha misimu minne iliyopita ya Ligi Kuu Bara.

Timu hizo zimekutana mara nane tu katika misimu hiyo minne katika mechi za Ligi Kuu Bara lakini ndiyo timu ambayo Yanga imeitungua mabao mengi kuliko nyingine.

Takwimu zinaonyesha kuanzia msimu wa 2011-12 hadi 2014-15, Yanga imekutana na Ruvu Shooting na kuifunga mabao 19 huku Wanajeshi hao wakiwa wamezitikiza nyavu za Yanga mara tatu tu.

Huenda Ruvu Shooting ndiyo wanyonge wa Yanga kuliko timu yoyote inayoshiriki Ligi Kuu Bara kwa misimu yote hiyo minne.

Msimu wa 2011-12, Yanga iliifunga Shooting jumla ya mabao 2-1 katika mechi zote mbili. Msimu uliofuata katika mechi mbili Yanga ikapata mabao 4-2 dhidi ya timu hiyo ya jeshi.

Katika misimu miwili ya mwisho, inaonekana mambo yalizidi kuwa mabaya zaidi kwa kikosi cha Masau Bwire kwa kuwa wateja wa Yanga rasmi huku wakichapwa rundo la mabao.

Msimu wa 2013-14, katika mechi zote mbili, Yanga ikapata jumla ya mabao 8-0 dhidi ya Shooting na msimu huu, Yanga inayoelekea kutwaa ubingwa ikapata jumla ya mabao 5-0 dhidi ya Shooting ambayo katika mechi ya kwanza ya msimu ilijitutumua kwa matokeo ya 0-0 halafu ikaachia mzunguko wa pili, ikalambwa tano bila majibu.

 

RUVU SHOOTING

Kinachovutia zaidi, katika mabao 19 ambayo Yanga imeifunga Shooting katika misimu hiyo mine, wageni ndiyo wameonekana “wanazifahamu” zaidi nyavu za timu hiyo ya jeshi, kwani wamefunga mabao 13 huku wenyeji wakifunga 6 tu.

Waliofunga mabao hayo ni kuanzia Kenneth Asamoah (Ghana), Davies Mwape (Zambia), Hamis Kiiza & Emmanuel Okwi (Uganda), Mbuyu Twite (Rwanda), Didier Kavumbagu & Amissi Tambwe (Burundi) na Kpah Sherman (Liberia).

Wageni hao kutoka nchi sita wakiongozwa na Kavumbagu aliyefunga mabao matatu ambayo ni mengi zaidi, ndiyo wameisambaratisha kabisa Ruvu Shooting.

Wenyeji wanaongozwa na Simon Msuva aliyefunga jumla ya mabao manne katika misimu hiyo na mengine mawili yamefungwa na Mrisho Ngassa na Jerry Tegete, hivyo kukamilisha mabao sita ya wazalendo.

Masau ni jasiri kwa kuwa anaweza “kuichanyata” rekodi hiyo hadi kuifanya Ruvu Shooting kuwa mpinzani mkubwa wa Yanga.

 

YANGA

Inawezekana hakuzisoma, lakini akitulia atagundua lazima wabadili gia na kuweka kubwa kwelikweli ili kujiondoa kwenye jina la “wateja maarufu wa Yanga”.

JUMLA YA MABAO KWA MISIMU:

2011-12:

Yanga 2-1 Ruvu

2012-13:

Yanga 4-2 Ruvu

2013-14:

Yanga 8-0

2014-15:

Yanga 5-0

WALIOIFUNGA ZAIDI:

WAGENI (bao 13):

Kavumbagu 3

Kiiza 3

Sherman 2

Asamoah 1

Mwape    1

Twite 1

Okwi 1

Tambwe 1

WENYEJI  (bao 6):

Msuva 4

Tegete 1

Ngassa 1

2011-12

Septemba 10, 2011

Yanga 1–1 Ruvu

Asamoah Dk 75   Paul Ndauka  Dk 69

Februari 12, 2012

Ruvu       0-1      Yanga

Davies Mwape Dk 47

2012-13

Oktoba 20, 2010:

Yanga              3-2              Ruvu             Chamazi

Twite       Dk 20                     Seif Abdallah Dk 2

Tegete                                      Seif Abdallah Dk 9

Kavumbagu 64

Machi 16, 2013:

Ruvu              0-1              Yanga                     Taifa

Hamis Kiiza Dk 48

2013-14

Septemba 28, 2013:                                        

Yanga              1-0              Ruvu               Taifa

Kiiza Dk 63                                 

Februari 22, 2014:

Ruvu               0-7              Yanga              Taifa

Kavumbagu Dk 1

Msuva Dk 2

Okwi  28

Ngassa 34

Kavumbagu Dk 53

Kiiza Dk 64

Msuva 77

                                                      

2014-15

Januari 17, 2015:

Yanga              0-0       Ruvu              Taifa

Aprili 24, 2015:

Ruvu              0-5              Yanga              Taifa

Msuva  Dk 15

Sherman Dk 24

Msuva Dk 45

                                          Tambwe Dk 57

Sherman Dk 67