MANARA ALISEMA HABARI ZA KIIZA NI UZUSHI, HANS POPPE AFUNGUKA NA KUWEKA MAMBO HADHARANI

HANS POPPE

Mwenyekiti wa Kamati ya Usajili ya Simba, Zacharia Hans Poppe hatimaye amefunguka na kueleza ukweli kwamba wako katika hatua za mwisho kumsajili mshambuliaji wa zamani wa Yanga, Hamis Kiiza.



Kiiza raia wa Uganda alikaririwa na gazeti la Championi akisema yuko katika hatua za mwisho kutua Simba.

KIIZA

Lakini jana, Manara alisikika akihojiwa na EFM na kusema si habari za kweli akisisitiza Simba watatoa habari sahihi.

Kauli hiyo ya Hans Poppe inaonyesha kuwa Manara hakuwa akijua kwamba Simba iko katika harakati za kumsajili Kiiza ambaye sasa yuko kwao nchini Uganda.

"Kweli tuko katika hatua za mwisho, kuna watu walikuwa wanashughulikia suala hilo. Nikikutana nao nitajua nini kinaendelea.

"Lakini kama tukifanikiwa kumpata Kiiza, tunaamini atatusaidia. Nafikiri tukishakuwa tumemaliza, basi tutawataarifu," alisema Hans Poppe.

Kiiza alikuwa mmoja wa wafungaji tegemeo wa Yanga kabla ya kutemwa baada ya Kocha Marcio Maximo kuonyesha kutovutiwa naye.