MACHUPPA ALIA BANDARI KUMDHULUMU GARI, APONGEZA TIMUATIMUA YA RAIS MAGUFULI

Mshambuliaji wa zamani wa Simba na Taifa Stars, Athumani Iddi Machuppa ameunga mkono kasi ya Rais John Magufuli ambaye ameonyesha hataki mchezo.

Machuppa ameunga mkono Serikali ya Magufuli kuvamia bandarini na kufanya ‘amshaamsha ya maana huku abadhi ya viongozi wakiwemo wa TRA wakitimuliwa kazi.

Machuppa ambaye sasa yuko nchini Sweden anakoendesha maisha yake ameeleza kusikitishwa na dhuruma aliyowahi kufanyiwa bandarini huku akisisitiza lazima mali ya umma iogopwe.

Kupitia ukurasa wake wa mtandao wa kijamii wa Facebook, Machuppa ameandika:

“Inabidi ifike mahala mali ya umma iogopwe. Hao watu Bandarini washakula gari yangu mpya bila maelezo wallah, malipo hapahapa duniani. Asante Kwa kusafisha Bandari.”