COASTAL UNION YATOA OFA IMECHUKUA UHURU

Mkurugenzi wa Ufundi wa Coastal Union, Nassor Bin Slum amesema wametoa ofa ili wamchukue Uhuru Selemani kwa mkopo.

Amesema wameishaiambia Simba watakuwa wanalipa nusu mshahara wa Uhuru na nusu analipwa na Simba.



“Tuko katika mazungumzo na Simba, tayari tumeishawapa ofa na tunasubiri,” alisema.

Uhuru kwa sasa yuko katika kikosi cha Azam FC ambako anacheza kwa mkopo.

Uhuru alihama kwenda Azam FC baada ya aliyekuwa kocha mkuu wa Simba, Milovan Cirkovic kusema hakubaliani na kiwango chake.

Tayari Coastal Union imewasajili Haruna Moshi ‘Boban’ na Juma Nyosso, wote kutoka Simba kwa ajili ya kuimarisha kikosi chake.






Pia Coastal inapambana kumnasa kiungo Odula kutoka Bandari ya Mombasa na Bin Slum amesema wameshakubaliana naye.