STARS NOOIJ AANZA NA SARE DHIDI YA MALAWI

Kocha mpya wa Taifa Stars, Mart Nooij leo amekiongoza kikosi chake kutoka sare ya bao 0-0 dhidi ya Malawi katika mechi ya kirafiki iliyochezwa kwenye Uwanja wa Sokoine mjini Mbeya, leo.

Nooij raia wa Uholanzi alikipanga kikosi chake leo kikiongozwa nawachezaji wengi makinda na kilishambulia zaidi lakini hakikuweza kupata bao.

Hata hivyo Malawi nao walijibu mapigo lakini mwisho hakuna timu iliyopata bao katika mechi hiyo iliyohudhuriwa na mashabiki wengi.