NAFASI YA MKUDE NDANI YA SIMBA,KOCHA AFUNGUKA

Kocha Mkuu wa Simba, Patrick Aussems amesema kuwa ana imani na kikosi chake kuweza kufanya vizuri katika michezo ya Ligi Kuu Bara kutokana na aina ya wachezaji alionao na kurejea kwa Jonas Mkude kunaongeza nguvu.

Mkude hakuwa sehemu ya kikosi kilichoshinda mabao 5-1 dhidi ya Alliance, Aussems amesema kwa sasa yupo fiti baada ya kupona, atasaidia kuongeza nguvu na kuendeleza moto wa kupata ushindi.

"Kwa sasa Mkude yupo fiti anarudi, nguvu ndani ya kikosi itaongezeka, ni mchezaji ambaye anakipaji kikubwa, maelewano mazuri ndani ya timu naamini uwepo wake utatufanya tuendelee kushinda michezo inayofuata,"  alisema.

Mkude ni kiungo mkabaji alikuwa nje kwa muda baada ya kupata majeraha ya goti katika mchezo waliocheza dhidi ya  African Lyon hali iliyomfanya akae nje na kukosa pia kutumikia timu ya taifa .