MABAO SITA SI MCHEZO YAMPA 'MCHECHETO' KOCHA MKUU AWA MBONGO KWA WACHEZAJI WA MWADUI

BAADA ya kupokea kichapo cha mabao 6-2 mbele ya Ruvu Shooting, kocha wa Mwadui FC, Ally Binzimugu amesema atawaadhibu wachezaji waliomuangusha kwenye mchezo wake huo.

Mwadui walikubai kichapo hicho mbele ya wanajeshi wa Ruvu Uwanja wa Mabatini, Fully Maganga akiibuka kidedea baada ya kuwatungua hat trick iliyomfanya kusepa na mpira wake mazima.

"Haikuwa sawa kwangu kufungwa mabao yote hayo iihali kila mbinu niliwapa wachezaji wangu, si sawa kwao kunifanyia hivi ni lazima niwawajibishe wale ambao wameniangusha.

"Bado tuna pambana kubaki ndani ya Ligi Kuu Bara kwani hesabu zetu bado zinatulinda na uwezo tunao wa kupata matokeo chanya," amesema Binzimugu.

Mwadui wamecheza michezo 29 kwa sasa ya ligi kwenye msimamo wanashika nafasi ya 14 baada ya kujikusanyia pointi 33.