Yanga imeanza harakati za kumuongeza kipa mpya
ambaye atashirikiana na Ally Mustapha ‘Barthez’.
Taarifa za uhakika kutoka ndani ya Yanga, zimeeleza
Kocha Mkuu, Ernie Brandts ametaka kipa mwingine mzoefu ikiwezekana kutoka nje
ya nchi aongezwe.
“Kocha anamkubali sana Barthez na kwa msimu mzima
amefanya kazi nzuri sana, lakini ametaka aongezewe nguvu na amesisitiza
apatikane kipa mzoefu.
“Brandts amesisitiza hata kama kipa atakuwa anatokea
nje basi atafutwe na kujiunga na timu hasa kwa kuwa tunashiriki michuano ya
kimataifa.
“Hivyo suala hilo tumeanza kulifanyia mikakati,
ninaamini baada ya muda mambo yatakuwa mazuri kabisa,” kilieleza chanzo cha
uhakika.
Kipa namba mbili Said Mohammed, amekuwa akionekana
kutokuwa na nafasi zaidi, hali ambayo inaonyesha imemlazimu Brandts ambaye sasa
yuko kwao Uholanzi kusisitiza aongezwe kipa mwingine.
0 COMMENTS:
Post a Comment