COASTAL UNION YAFUNGUA MACHO MNIGERIA WA STAND UNITED

Pamoja ya kuwepo kwenye mchakato wake wa uchaguzi mkuu ambao unatarajia kufanyika mapema Julai 5, mwaka huu, Kamati ya Usajili ya Coastal Union, inaendelea na mazungumzo na wachezaji kadhaa akiwemo mshambuliaji wa Stand United, Mnaigeria, Abasirim Chidiebere.

Tayari kikosi hicho kimefanikiwa kunasa saini ya wachezaji takriban watatu, ambao ni straika Ahmed Shiboli, kipa Benedict Haule na mshambuliaji chipukizi Mohammed Mtiti huku ikiwafungia virago nyota wake kadhaa ambao walikuwa wamemaliza mikataba yao.

Chidiebere amesema ni kweli tayari yuko katika mazungumzo na Wagosi wa Kaya.

“Ni kweli nimefuatwa na Coastal kwa ajili ya mazungumzo, tunaendelea ila bado hatujaafikiana lakini pia Mbeya City na hata Kagera Sugar japo walipiga tu simu kuwa wananihitaji.

“Pia kwa sasa timu ambayo inanisajili lazima itambue mimi ni mchezaji wa kimataifa, hivyo nahitaji kulipwa vizuri kama ilivyo kwa wachezaji wa namna hiyo,” alisema Chid