MAKAME AIBEBA YANGA LEO IKIIMALIZA COASTAL UNION YA TANGA

ABDULAZIZ Makame leo ametimiza majukumu yake ndani ya uwanja kwa kufunga bao pekee la ushindi uwanja wa Uhuru mbele ya Coastal Union kwenye mchezo wa tatu wa ligi kwa timu yake.

Leo Yanga imeibuka na ushindi wa bao 1-0 lililopachikwa na Makame akimalizia pasi ya  Ali Ali aliyepokea mpira wa kona kutoka kwa Mrisho Ngasa.

Yanga leo imefanikiwa kushinda mchezo wake wa kwanza baada ya kucheza michezo miwili ambayo ni sawa na dakika 180 na ilianza kupoteza mbele ya Ruvu Shooting kwa kufungwa bao 1-0 kabla ya kulazimisha sare ya mabao 3-3 na Polisi Tanzania na leo imeshinda bao 1-0 mble ya Coastal Union.

Ushindi huo unaifanya Yanga ikusanye jumla ya pointi nne baada ya kucheza michezo mitatu msimu huu wa 2019/20.