MANCHESTER CITY MAMBO MAGUMU, YANYOOSHWA NA WOLVES 2-0

MANCHESTER City mabingwa watetezi wa Kombe la Ligi Kuu England inayonolewa na Pep Guardiola mabo yameanza kuwa magumu baada ya leo kupoteza mchezo wake wa pili kwa kichapo cha mabao 2-0 dhidi ya Wolves.

City ikiwa uwanja wa nyumbani, Etihad ilikubali kuona nyavu zake zikitikiswa dakika ya 80 na 90 huku mfungaji akiwa ni Adama Traore.

Ushindi huo unaifanya City kubaki nafasi ya pili baada ya kucheza michezo nane ikiwa na pointi zake 16 na imefunga mabao 18.

Inaachwa kwa jumla ya pointi nane na wapinzani wake wa karibu Liverpool ambao wapo kileleni na pointi zao 24.

Wolves ipo nafasi ya 12 ikiwa na pointi 10 kwani kwenye michezo nane imetoa sare nne na imepoteza miwili sawa na Ile iliyoshinda.