MILEN-HAPPINESS MAGESE AANZISHA MFUKO KUSAIDIA WANAWAKE

HAPPY-MILEN MAGASE

Mwanamitindo na Miss Tanzania 2001, Happiness Magese amefungua mfuko kwa wanawake kwa ajili ya kutibu ugonjwa wa tumbo la maumivu uzazi inayojilikana kama ‘Endometriosis’.

Akizungumza kwenye Hotel ya Kempisky, Posta jijini Dar es Salaam Magese alisema kuwa kwa kupitia mfuko wake wa ‘Millen Magese Foundation’ atasaidia kuelimisha wanawake ili kujua dalili na matibabu ya ugonjwa huo.

Magese alisema kuwa, anajua amechelewa kutoa somo la ugonjwa huo, lakini kwa kupitia makampuni mbalimbali yaliyojitokeza kumsapoti, anaamini atafanikiwa.

MMOJA WA MADAKTARI AKIZUNGUMZIA UGONJWA HUO

“Nimefikia hatua hii ya kutoa somo na semina mbalimbali za ugonjwa huu ni kutokana na kuwahi kuugua na kunitesa muda mrefu tangu nikiwa shuleni.

“Ninaamini wapo wanawake wengi wanaougua ugonjwa huu, lakini wanakuwa hawajitambui, lakini kwa kupitia mfuko wangu niliouanzisha watajitambua.

MENEJA WA MILEN HAPPINESS-MILEN, LUCY NGONGOSEKE.

“Kwa kupitia mfuko huu, nitaweza kujenga hospitali maalumu ya wanawake itakayotibu ugonjwa huo ambao bado Tanzania hawajautambua,”alisema Magese.

Aidha, daktari wa Muhimbili, Belinda Balandya alisema kuwa ugonjwa huo unawapata wanawake wenye umri kuanzia miaka 25-35 waliopo tayari kubeba ujazito.

Balandya alkizitaja baadhi ya dalili za ugonjwa huo ni siku chache kabla ya siku za mwanamke (hedhi) damu nyingi inatoka na mgongo kuuma, maumivu wakati wa tendo la ndoa, maumivu ya mapafu na kuharisha.Magese alisema kuwa, Jumapili ijayo kwa kushirikiana na madaktari wa muhimbili ameandaa semina kwa wanawake wanafunzi itakayofanyika kwenye fukwe za Coco.