MADRID KLABU BORA ULAYA, YAZIPIGA BAO BARCELONA, BAYERN

Baada ya kufanikiwa kubeba ubingwa wa Ligi ya Mabingwa Ulaya na Copa del Rey, Real Madrid imetangazwa kuwa klabu bora ya Ulaya.

Madrid imetangazwa kuchukua tuzo hiyo kubwa zaidi kwa klabu barani Ulaya na Chama cha Klabu za Kulipwa Ulaya (Eca) katika hafla ya tuzo iliyofanyika mjini Geneva, Uswiss, leo.

Tuzo hiyo ilipokelewa na Makamu wa Rais wa Real Madrid, Pedro López na mkurugenzi wa taasisi ya uhusiano bora ya klabu hiyo, Emilio Butragueno.

Red Bull Salzburg ilishinda tuzo ya klabu inayochipukia kwa mafanikio ya juu na Celtic ya Scotland ikabeba tuzo ya iliyofanikiwa zaidi kimasoko.