KIONGOZI WA SIMBA ANAYETUHUMIWA KUMSUKUMA MTOTO WA MANJI AHOJIWA NA KUACHIWA

MUSLEY AKIWA NA IVO MAPUNDA BAADA YA KWISHA KWA MECHI YA WATANI NA SIMBA KUSHINDA KWA BAO 1-0, SIKU AMBAYO TAFRANI LILIANZIA KWENYE UWANJA WA TAIFA JIJINI DAR.

Musley Al Rawah, mjumbe wa kamati ya utendaji wa kamati ya Simba, amehojiwa na kuachiwa.

Kiongozi huyo amehojiwa kuhusiana na tuhuma za kumsukuma mtoto wa mwenyekiti wa Yanga, Yusuf Manji wakati wakiwa kwenye lifti kwenye Uwanja wa Taifa jijini Dar.

Manji alifungua mashitaka akidai Musley alimsuma mwanaye na kumuumiza.

Wajumbe wa kamati ya Utendaji ya Simba walikuwepo kituo cha kati jijini Dar es Salaam kufuatilia sakata hilo la Musley.

Walijitokeza kwa wingi kuhakikisha mwenzao huyo anatoa maelezo na baadaye ilielezwa aliwekewa dhamana na mmoja Friends of Simba wakongwe, Crescentius Magori.

Musley hakupatikana kulizungumzia sakata hilo, lakini taarifa zimeeleza kuwa amekuwa akisisitiza, suala hilo lilikuwa bahati mbaya na asingeweza kumsukuma mtoto mdogo.