SOMA HAPA UJUE COUTINHO ALIVYOMALIZWA NGUVU NA BAO LA OKWI AKIWA JUKWAANI

Bao la dakika 54 la mshambuliaji wa kimataifa raia wa Uganda, Emmanuel Okwi, limemfanya kiungo mshambuliaji wa Yanga, Mbrazili, Andrey Coutinho aishiwe nguvu jukwaani.

Timu hizo zilivaana wiki iliyopita kwenye Uwanja wa Taifa jijini Dar es Salaam katika mechi ya Ligi Kuu Bara iliyomalizika kwa Simba kushinda bao 1-0 lililofungwa na Mganda huyo.

COUTINHO...

Mganda huyo,alifunga bao hilo kwa shuti kali la mita 20, lililomshinda kipa, Ally Mustapha ‘Barthez’ na kujaa wavuni.

Coutinho alisema kuwa mara baada ya bao hilo kuingia wavuni, ghafla alishangaa kuishiwa nguvu mwili na kujikuta akishindwa kufanya chochote.

Coutinho alisema, kipigo hicho kimemkosesha furaha moyoni mwake kutokana na kukutana mara tatu na timu hiyo yeye akiwa hapa nchini na kushindwa kuifunga, mechi ya mzunguko wa kwanza wa ligi kuu walitoka suluhu, Mtani Jembe walifungwa 2-0 kabla ya juzi kufungwa bao 1-0.

“Baada ya kuwakosa kwenye mechi ya mzunguko wa kwanza ligi kuu na Mtani Jembe, nilitarajia kuona timu yangu inapata ushindi kwenye mechi ya leo (Jumapili), lakini tukashindwa kuwafunga tena.

“Nguvu zimeniisha ni bora tukafungwa nikiwa uwanjani nacheza, najua nisingeumia kwa sababu nipo uwanjani nimeshindwa kuipigania timu yangu ikipata ushindi.

“Baada ya bao kuingia nilihisi kuishiwa nguvu, nilikuwa najisikia vibaya sana, hakika sikutarajia matokeo yale,” alisema Coutinho.