BAADA YA STARS KUNG'OLEWA COSAFA, MAKAPU AANZA SAFARI YA KUREJEA TANZANIA

Kiungo mkabaji wa Taifa Stars, Said Juma Ally ‘Makapu’ ameanza safari ya kurejea nyumbani kutoka Afrika Kusini.

Makapu amerudishwa nyumbani kutokana na kuwa majeruhi, hali iliyosababisha benchi la ufundi, kumruhusu kurejea.

Taarifa kutoka Afrika Kusini zimeeleza kuwa tayari Makapu ametua kwenye Uwanja wa Ndege wa Kimataifa wa Oliver Tambo wa jijini Johannesburg ili kuanza safari hiyo.

Hata hivyo, Makapu anayekipiga Yanga anarejea nyumba ikiwa tayari Stars imeng’olewa katika michuano ya Cosafa.

Stars imetolewa baada ya kipigo cha pili mfululizo dhidi ya Madagascar. Wakati mechi ya kwanza ilianza kuchapwa na Swaziland.