BEKI WA ZAMANI WA SIMBA, AACHA SOKA KWA MUDA UJERUMANI, AJIFUA NA KIKOSI CHA RUGBY

Mtanzania Emily Mgeta anayekipiga katika timu ya daraja la tano nchini Ujerumani sasa ameamua kujifua zaidi kwa staili ya aina yake.

Mgeta aliyewahi kukipiga Simba ambaye ni beki tegemeo wa Neckarsulmer, juzi alifanya mazoezi na timu ya Rugby katika eneo analoishi.

“Kweli, niliamua kwenda kwenye rugby kwa ajili ya kujiweka fiti. Siku hiyo hatukuwa na mazoezi, sasa nikaona hakuna sababu ya kukaa tu.

“Nikaenda zangu pale na kuomba nafasi ya mazoezi, kwa kweli nilijifua vizuri na kupambana na wale jamaa unatakiwa kuwa imara kweli,” alisema Mgeta.

 

AKIWA KAZINI NA KIKOSI CHAKE.