LIPULI YA MATOLA INAJIPIGIA TU, MBAO YABANWA MBAVU NYUMBANI

TIMU ya Lipuli ya Iringa inayonolewa na Kocha Seleman Matola, imefanikiwa kuibuka na ushindi wa mabao 2-1 dhidi ya Coastal Union ya Tanga mchezo wa Ligi Kuu Bara, uliochezwa Uwanja wa Samora leo.

Mabao kwa upande wa Lipuli yalifungwa na Seif Karihe dakika ya 45 na bao la pili lilifungwa na Miraj Athuman dakika ya 68.

Coasal Union walipata bao la kufutia machozi dakika ya 58 kipindi cha pili lililofungwa na Ayoub Lyanga.

Mchezo mwingine wa Ligi Kuu Bara leo ulikuwa kati ya Mbao FC walioikaribisha Alliance School, Uwanja wa CCM Kirumba na umekamilika kwa sare ya kutofungana kwa timu zote mbili.