NAMUNGO FC YAZIPIGA MKWARA SIMBA, YANGA, AZAM FC NA LIPULI

HITIMANA Thiery, Kocha Mkuu wa Namungo FC amesema kuwa hana presha na vigogo wa Ligi Kuu Bara akikutana nao lazima awape usumbufu na kupata matokeo.

Namungo FC imepanda Ligi Kuu Bara msimu huu na itakuwa miongoni mwa timu 20 ambazo zitashiriki ligi inayotarajiwa kuanza kutimua vumbi Agosti 23.

Thiery amesema kuwa maandalizi ya mwisho kwa sasa yapo sawa wana imani ya kufanya makubwa ligi ikianza.

“Tupo sawa na kikosi chetu kina moto wa kutosha kabla ya ligi kuanza hivyo imani yetu ni kufanya makubwa msimu utakapoanza hasa ukizingatia tumepambana kupanda daraja.

“Hatuna timu ambayo tunaihofia kwenye ligi hata hao vigogo ambao ni Simba, Yanga, Azam na timu nyingine zaidi ya kuziheshimu kwa kuwa tumezikuta ila tutakapokutana nao uwanjani lazima tuonyeshe kuwa tupo tofauti,” amesema Thiery.