EXCLUSIVE: HARMONIZE ATAJA SABABU YA KUACHANA NA DIAMOND WCB

Msanii wa muziki wa kizazi kipya, Harmonize, amefunguka kuhusiana na sakata lake la kuondoka katika lebo ya Wasafi Classic Baby (WCB) iliyo chini ya Diamond Platnumz.

Harmonize ameeleza kwa kifupi kuwa kuna baadhi ya vitu ambavyo havikuwa sawa vilisababisha mpaka yeye akafikia maamuzi ya kuanza kujiweka pembeni.

Msanii huyo ambaye anatokea mkoani Mtwara, ameeleza kuna mambo yalikuwa hayaendi sawa na ndipo akaanza mchakato wa kuuomba uongozi wake ili aanza kujisimamia mwenyewe.

Amefunguka sababu za kuomba ni kuwa aliona umefikia wakati vema akaanza kujitegemea sababu ya mafanikio aliyoyapata ndani ya lebo hiyo.

Mbali na hayo, msanii huyo ameushukuru uongozi wa Wasafi kwa namna walivyomkuza na amewaomba waendelee kushirikiana bila ya kuwa na ubaya wowote ule.