POLISI WAUNGANA, WANG'ANG'ANIA SIMBA UWANJA WA TAIFA

Simba imelazimishwa sara ya bao 1-1 dhidi Kombaini ya Jeshi la Polisi katika mechi iliyopigwa kwenye Uwanja wa Taifa, Dar.

Mechi hiyo ilikuwa ni ya ushindani mkubwa na kila timu ilionyesha kupania kushinda.

Vijana wa Abdallah Kibadeni walikuwa wa kwanza kupata bao lililofungwa katika dakika ya 16 na Betram Mombeki.

Mombeki aliyesajiliwa msimu huu na Simba, alifunga bao hilo kwa shuti kali.

Bao hilo lilidumu hadi mapumziko na mashabiki wa Simba walikuwa wakishangilia kwa nguvu kuonyesha wana hamu ya kukiona kikosi chao kinaongeza mabao zaidi.

Kipindi cha pili, Simba ilikianza kwa kasi na kusukuma mashambulizi mengi mfululizo lakini Mombeki, Sino na Ramadhani Chombo ‘Redondo’ walipoteza nafasi.

Mkongwe Bantu Admini, alitoa basi safi kwa Nicholas Kabipe ambaye aliandika bao zuri katika dakika ya 58.

Admini tena alitoa pasi nzuri kwa Kabipe katika dakika ya 66, lakini akashindwa kuwa makini kupachika mpira wavuni.

SIMBA: 

Andrew Ntalla, Nassor Masoud ;Chollo’, Issa Rashi ‘Baba Ubaya’, Miraj Adam, Rahim Juma, Jonas Mkude, Said Ndemla, Abdulhalim Humud, Betram Mombeki, Sino Augustino na Ramadhani Chombo ‘Redondo’.

POLISI:

Kondo Salum, Eliasa Maftah, Simon Fanuel, Yahya Khatib, Salmin Kiss, Salum Nahoda, Magige Machango, Andrew Bundala, Mokili Rambo, Bantu Admini na Nicholas Kabipe.