KANIKI, MATUMLA WAMEKAMTWA NA MADAWA YA KULEVYA, SERIKALI YATHIBITISHA

Serikali ya Tanzania kupitia ubalozi wake nchini Ethiopia umethibitisha kukamatwa kwa mshambuliaji wa zamani wa Simba Joseph Kaniki akiwa na madawa ya kuleya.

Pamoja na Kaniki, bondia Mkwanda Matumla naye amekamatwa wakiwa pamoja kwenye Uwanja wa Ndege wa Kimataifa wa Bole jijini Addis Ababa, Ethiopia.

 

Blog hii ilikuwa ya kwanza kuandika jana kuhusiana na kukamatwa kwa wawili hao lakini ikawa kazi kubwa kupata uthibitisho kutokana na ofisi nyingi za serikali kuwa zimefungwa Jumapili.

Lakini Kaimu balozi wa Tanzania nchini Ethiopia, Samuel Shelukindo amethibitisha hilo.

Amesema wamepewa taarifa hizo na wamezungumza nao na wakasema hawakuwa wakijua kuhusiana na mizigo hiyo.

“Kaniki amesema mzigo huo alipewa pale Mombasa na aliyempa anajuana vizuri na Mkwanda kwa hiyo alikuwa kama amebeba tu.

“Ukweli tulichofanya ni kuacha sheria ichukue mkondo yake, lazima wajibu kesi iliyo mbele yao,” alisema Shelukindo.

Kaniki amekuwa akiishi nchini Sweden kama ilivyo kwa Mkwanda ambaye ana mtoto mmoja na mwanamke wa Kiswidi.

Mwaka juzi Kaniki alisajiliwa na klabu ya daraja la pili ya Sweden ya Konyar Spor lakini hata hivyo hakudumu.