ZIDANE AIKATAA BEI YA GARETH BALE

Zinedine Zidane ambaye ni kocha msaidizi wa Real Madrid amesema bila ya woga kuwa bei aliyonunuliwa kiungo Gareth Bale ni kubwa sana kwa thamani yake.

Real Madrid imemnunua Bale kutoka Tottenham kwa pauni milioni 86 au zaidi ya euro 95 na Zidane amesema ni nyingi sana kwa mchezaji huyo.

"Swali ni kwamba bei hiyo ni sahihi kweli kwa mchezaji, milia kumi iliyopita Madrid ilininunua kwa euro milioni 75 kutoka Juventus, ninaona ni nyingi na hazikuwa ni thamani yangu,” alisema wakati anahojiwa na Canal Plus France' TV channel.

Kiungo huyo wa zamani wa Madrid alisisitiza klabu nyingi hununua wachezaji si kwa ajili ya kuangalia thamani au uwezo uwanjani badala yake masuala kadhaa nje ya uwanja pia.

Zizou alisisitiza: “Hakuna mchezaji anayweza kununuliwa kwa euro milioni 100 kwa sasa, lakini timu inakuwa na vitu vingi kabla ya kumnunua mchezaji.”

Kuhusiana na kazi kubwa ya kuwafundisha nyota kibao katika kikosi chao, Zidane aliongeza ataacha wachezaji watumie uwezo wao zaidi badala ya kuwalazimisha wacheze anavyotaka yeye.