KIBADENI ATENGENEZA 'UNDUGU' WA TAMBWE, MOMBEKI

 

Kocha Mkuu wa Simba ameanza kutengeza safu imara ya ushambuliaji ambayo itakuwa pacha.

Abdallah Kibadeni amesema anataka kuwaunganisha washambuliaji wake wawili, Mtanzania, Betram Mombeki na Mrundi, Amis Tambwe.

Kibadeni amesema ameridhishwa na viwango vyao lakini sasa ni aina ya uchezaji ambayo anaifanyia kazi.

“Wanacheza katika kiwnago kizuri, lakini sasa ni kuwatengeneza ili wacheze kama wachezaji pacha.

“Ni suala linalohitaji muda, nimeishaanza hiyo kazi na huenda matunda yataanza kuonekana ingawa ni hatua kwa hatua,” alisema.

Mombeki anaonekana ni mzuri katika ufungaji hasa anapokuwa karibu na lango lakini Tambwe ana kasi na mjanja.

Kingine kizuri kwa Mombeki ni umbo lake na anajua kulitua vizuri wakati Tambwe ana uwezo wa kupicha chenga na mwepesi kuachia mashuti ya kushtukiza.

Iwapo Kibadeni atafanikiwa kuwaunganisha, huenda Simba ikawa na safu kali zaidi ya ushambuliaji msimu huu.