MKENYA ALIYETIMULIWA, HATIMAYE ATAMBULISHWA RASMI YANGA

Siku chache baada ya wazee kumfukuza, uongozi wa Yanga leo umewatambulisha viongozi wapya watatu wa klabu hiyo, akiwemo Mkenya Patrick Naggi.

Naggi alitimuliwa na wazee wa Yanga ambao walikuwa na mambo kadhaa ya kuhoji likiwemo lile la uanachana.

Lakini leo, uongozi wa Yanga, umesema Naggi na wenzake watakuwa katika klabu hiyo wakifanya kazi kadhaa hadi hapo zitakapotangazwa nafasi zipi watashika.

Utambulisho huo wa leo umeafanywa na Makamu Mwenyeki wa Yanga, Clement Sanga ambapo mbali na Naggi, pia aliwatambulisha George Magani mwenye utaalamu wa biashara pamoja na Benno Njovu, ambao wote wanaingia katika sekretarieti ya klabu hiyo, ambapo baada ya miezi miwili ijayo watapangiwa kazi mpya ya kufanya katika uongozi wa klabu hiyo.

Sanga alisema tayari wote ni wanachama wa Yanga lakini hawajakabidhiwa kadi zao tu.

Wazee wa Yanga walimtaka Naggi kuondoka klabuni hapo kwa madai hakuwa mtu aliyefika hapo kwa kufuata taratibu.

Katika mkutano wa waandishi leo, Naggi na wenzake hawakutakiwa kuzungumza lolote.