WAZEE WA YANGA WATOA TAMKO LAO KUHUSIANA NA MKENYA KUREJEA

Wazee wa Yanga wamesema hawana tatizo na uongozi wao kumrudisha Patrick Naggi.

Kiongozi wa wazee hao, Ibrahim Akilimali amesema kama utaratibu umefuatwa wao hawana tatizo.

“Unajua msifanye ionekane kama tulikuwa na malumbano na uongozi wetu. Kikubwa tulipinga utaratibu kutofuatwa.

“Lakini kama kila kitu kitafuata utaratibu, basi sisi tuko tayari kumpokea mtu yoyote ambaye anakuja kufanya kazi kwa ajili ya maendeleo ya klabu yetu,” alisema Akilimali.

“Hivyo tunamkaribisha na utaratibu umefuatwa ndiyo tulichokuwa tunataka.”

Hivi karibuni, Akilimali aliwaongoza wazee hao kumtimua Naggi ambaye alitinga klabuni hapo 'kinyemela'.

 

Utambulisho wa leo umeafanywa na Makamu Mwenyeki wa Yanga, Clement Sanga ambapo mbali na Naggi, pia aliwatambulisha George Magani mwenye utaalamu wa biashara pamoja na Benno Njovu, ambao wote wanaingia katika sekretarieti ya klabu hiyo, ambapo baada ya miezi miwili ijayo watapangiwa kazi mpya ya kufanya katika uongozi wa klabu hiyo.