WILSHERE WA ARSENAL APATA MGENI, AONYESHA FURAHA YAKE

Kiungo nyota wa Arsenal, Jack Wilshere amepata ‘mgeni’ aliyempokea kwa furaha kubwa.

Wilshere mwenye miaka 21, amefanikiwa kupata mtoto wa kike aliyempa jina la Delilah Grace.

Kiungo huyo ametuma picha yake akiwa na binti huyo kwenye mtandao wa kijamii wa Twitter akionyesha ni mwenye furaha huku akiwa ameandika maneno ya kusifia jina la Delilah Grace ambalo ndilo atalitumia binti huyo.