LIEWIG AMKUMBUSHIA RAGE KUHUSIANA NA DENI LAKE

Kocha wa zamani wa Simba, Patrick Liewig amesema anamkumbusha mwenyekiti wa Simba, Ismail Aden Rage kuhusiana na fedha zake.

Ingawa hajasema kiasi gani kilichobaki lakini katika ujumbe wake kupitia mtandao wa kijamii, Liewig amesema anahitaji fedha zake.

“Najaribu kumtafuta mwenyekiti (Rage), lakini imekuwa kimya na kawaida hapokei simu. Mwambie ninahitaji fedha zangu zilizobaki.

“Yeye anajua ni kiasi gani, mwambie ninaishi vijijini na siwezi kuwa kwenye mtandao kila wakati kuwasiliana naye,” alisema.

Simba ilimlipa baadhi ya fedha zake za mshahara na kuvunja mkataba wake wakati ilipomtupia virago Simba.