NGOMA YA MAPINGAMIZI BADO NGUMU SIMBA

Kamati ya uchaguzi ya Simba imeendelea kupambana ili kumaliza mapingamizi kabla ya kuyatolea uamuzi.

Kamati hiyo chini ya mwanasheria maarufu nchini, Dokta Damas Daniel Ndumbaro ilianza kazi jana, lakini leo imeendelea siku nzima kuchambua utetezi uliofanywa jana pamoja na kuwahoji walioweka mapingamizi.

Hata hivyo, pamoja na kuwa na taarifa kuwa uamuzi wa mapingamizi hayo ungetangazwa leo, mambo yamekuwa tofauti.

Kama kamati hiyo itakuwa imemaliza kazi, imeelezwa mabosi wa kamati hiyo wataweka mambo hadharani hadharani kesho.

Imeelezwa ugumu huo wa kamati kufanya kwa kazi siku mbili mfululizo ni kutokana na wingi wa mapingamizi hayo.

Wagombea wa urais, Evans Aveva na Michael Wambura wamewekewa mapingamizi, lakini wale wa makamu rais.

Baada ya majibu ya mapingamizi hayo, waliokatwa watapewa nafasi ya kukata rufaa kwenye kamati ya rufaa chini ya Shirikisho la Soka Tanzania (TFF).

Uchaguzi mkuu wa Simba umepangwa kufanyika Juni 29, mwaka huu.