VIEIRA ARUDI SENEGAL AONYESHA UPENDO KWA WATOTO

Kiungo wa zamani wa Arsenal, Patrick Vieira ametembelea jijini Dakar, Senegal kusaidia watoto kupata elimu na kupewa nafasi ya kushiriki michezo nafasi yake ikidhaminiwa na Western Union.
Kiungo huyo nyota wa zamani wa Arsenal alikuwa mjini humo jana na leo alitarajiwa kurejea Ulaya kuendelea na shughuli zake.

Vieira ambaye ni Mfaransa mwenye asili ya Senegal, pia sasa ni mhusika katika kukuza vipaji katika klabu ya Man City ambao ni mabingwa wa England, alipata nafasi ya kucheza na watoto, pia kuzungumza nao na kutoa mafunzo.

Pia safari yake hiyo kwa maendeleo ya vijana iliungwa mkono na Unicef na alionekana kuwa mwenye furaha kurejea katika nchi aliyokulia kabla ya kuhamia Ufaransa.