MSANII BONGO MUVI AFIA GESTI, HOMA YA DENGU YAHUSISHWA

 

MTITU (KULIA) AKIONGOZA KUUBEBA MWILI WA KUAMBIANA LEO KUTOKA KATIKA ZAHANATI YA MAMA NGOMA

Msanii maarufu wa filamu za maigizo hapa nchini, Adam Kuambiana amefariki leo mida ya saa 5 asubuhi, huku kifo chake kikiambanata na hofu ya ugonjwa wa homa ya dengu unaotikisa nchi kwa sasa.

Kuambiana aliyekuwa akifahamika kwa kuwa mmoja wa wasanii wenye msimamo, alifariki dunia wakati akipelekwa Zahanati ya Mama Ngoma iliyopo Mwenge jijini Dar.

MMOJA WA WASANII AKISHINDWA KUJIZUIA KUANGUA KILIO

Kabla alikutwa ameanguka chooni kwenye chumba alichopanga katika nyumba ya wageni ya Silver Rodge iliyopo Sinza Kwa Remmy jijini Dar.

 Mhasibu wa Silver Rodge ambaye alikataa kutaja jina lake alisema baada ya kumkimbiza msanii kwenye zahanati hiyo daktari alimpima na kuwaambia kuwa msanii huyo ameshaaga dunia.

Mwili wa msanii huyo umepelekwa kwenye chumba cha kuhifadhia maiti Hospitali ya muhimbili.

MAREHEMU KUAMBIANA WAKATI WA UHAI WAKE (KATIKATI) HII NI FILAMU YA LOST SON, MOJA YA ZILE ALIZOIGIZA NA KUONYESHA UWEZO WAKE.

Hata hivyo, kumekuwa na hofu ya ugonjwa huo wa homa ya denge kwa kuwa moja ya viungo vyake wazi vya mwili, vilikutwa vimetokwa na damu nyingi sana.

Huenda majibu ya mwisho ua uchunguzi wa mwili wake, yatatoa majibu sahihi kuhusiana na kifo cha msanii huyo.

KWA MASIKITIKO MAKUBWA, SALEHJEMBE INAWAPA POLE FAMILIA YA MAREHEMU PAMOJA NA WASANII WA FILAMU NCHINI.

MWENYEZI MUNGU AMLAZE MAHALI PEMA.