LUNYAMILA AWASHANGAA WANAOPIGA KELELE MANJI KUONGEZEWA MUDA

Nyota wa zamani wa Yanga, Edibily Lunyamila amewaonya wanaoanzisha malumbano na Mwenyekiti wao, Yusuf Manji kuwa makini wasisababishe vurugu.

Lunyamila amewataka watu wanaopinga Manji kuongezewa muda wa mwaka mmoja kuwa wazalendo kwa Yanga.

MANJI

Lunyamila amesema uamuzi wa kumuongezea Manji mwaka mmoja ni wa busara na wanachama waliliona hilo.

madaraka.

“Wanachama 4,000 waliokuwa kwenye mkutano wamefikia uamuzi ule, nani atahoji uhalali wa kufanya hivyo," alisema Lunyamila.

"Yanga sasa iko kwenye suala la usajili na kutafuta kocha, wasituvuruge, wawe wazaendo na ndiyo maana walitakiwa kuwepo kwenye kikao.

LUNYAMILA

"Kama ilishindikana, basi wanatakiwa kukubali uamuzi wa wengi kwa kuwa waliofanya vile ni watu wenye akili timamu," alisema Lunyamila.

"Angalia alikuwepo hadi Mama Karume ambaye ni mzoefu na mdhamini wa Yanga, sasa vipi ionekane ni tatizo.

"Au wanataka kuichanganya Yanga katika kipindi hiki cha usajili? angalia Simba walivyo katika hali mbaya kutokana na malumbano ya uchaguzi, haijulikani nani atafanya usajili au anasimia mambo ya klabu," alisema Lunyamila.

Wanachama wachache wamekuwa wakipinga Manji na uongozi wake kuongezewa mwaka mmoja.

Manji alipewa nyongeza ya miaka nane na wanachama hao, lakini akasisitiza hataweza na kuomba angalau mwaka mmoja uchaguzi usogezwe mbele, wanachama waliokuwa kwenye mkutano huo wakakubali kwa umoja.