HANS POPPE: HATA TUKIAMSHWA USIKU, YANGA WEPESI KWETU

Mwenyekiti wa Kamati ya Usajili ya Simba, Zacharia Hans Poppe amesema anashangazwa na Yanga kuanza kulaumu kuwa Simba imefanya ujanja wa mechi yao ya Oktoba 12 kusogezwa mbele.

Hans Poppe amesema Simba haina sababu ya kufanya hivyo kwa kuwa Yanga ni wepesi, hata kama Simba ingeshituliwa usingizini ili kucheza nao, ni lahisi tu kuwamaliza.

Baada ya TFF kuusogeza mbele mchezo wa watani, baadhi ya mashabiki na wanachama wa Yanga wamekuwa wakilalamika kwamba Simba imefanya ‘mipango’ ili mchezo usogezwe ikihofia kuwa na majeruhi wengi.

“Kama kipa tunao watatu, Ivo si kipa pekee Simba. Yuko Casillas na Manyima na wote ni makipa wazuri.

“Ukizungumzia mabeki wako wengi unawaona, Mgeveke na wengine wapo na wanacheza vizuri tu.

“Kama ni Kiongera, Simba ina washambuliaji wengi sana. Wananishangaza sana hawa watu, Yanga ni wepesi na Simba ipo tayari kupambana nao wakati woeote na kuwashinda.

“Hata ikiwa ni usiku, wakatushtua, tuna uwezo wa kucheza nao na kuwashinda,” alisema Hans Poppe akihojiwa jijini Dar.

TFF imesema itatangaza kesho kuhusiana na mchezo huo utachezwa ligi baada ya leo kutangaza kuusogeza mbele kutokana na kuitumia tarehe hiyo kwa mchezo wa  kirafiki wa kimataiga na Taifa Stars itaivaa Benin.