VAN PERSIE AITAKA WORLD CUP YA 2018, ASISITIZA ATACHEZA HADI NA MIAKA 40

Mshambuliaji Robin van Persie amesema anataka kuichezea Uholanzi katika michuano ya Kombe la Dunia itakayofanyika nchini Russia mwaka 2018.

Wakati huo van Persie atakuwa na miaka 35, lakini amesisitiza anataka kuendelea kucheza hadi atakapofikisha miaka 40.

Van Persie ambaye sasa ana miaka 31, anaamini atacheza soka hadi akiwa na miaka 40.

Mholanzi huyo alikuwa kati ya wachezaji waliofanya vizuri kwenye Kombe la Dunia mwaka huu nchini Brazil, akifunga moja ya bao bora la michuano hiyo na jingine lililoisaidia Uholanzi kushika nafasi ya tatu.