CHEKI NDANDA FC ILIVYOZIPIGA BAO YANGA, SIMBA

Pamoja na kufungwa mechi mbili mfululizo kati ya tatu walizocheza na kuibuka na ushindi mchezo mmoja, Ndanda FC na Mtibwa Sugar ni timu pekee zilizoweza kufunga mabao sita katika michezo yao yote mitatu ya ligi kuu.

Ndanda mpaka sasa inashikilia nafasi ya  tisa ikiwa na pointi tatu ambapo katika mchezo wa kwanza ilikuwa ikiongoza ligi.

Klabu hiyo ilifanikiwa kufunga mabao manne katika mchezo mmoja dhidi ya Stand United, lakini mengine yaliweza kupatikana katika michezo dhidi ya Mtibwa Sugar baada ya kuchapwa mabao 3-1 na dhidi ya Coastal 2-1 na kuweza kufikisha idadi ya mabao sita.

Ingawa kinara katika msimamo wa ligi  Mtibwa pia ana mabao sita yenyewe imeshinda michezo yake yote mitatu tofauti na Ndanda huku klabu ambazo zinaongoza kuwa na mabao machache kuliko zote zikiwa ni pamoja na  Mbeya City, JKT Ruvu na Mgambo JKT, zote zina bao moja-moja na Ruvu Shooting haina bao hata moja.

Simba na Yanga zote zimefunga mabao manne-manne na kufungwa idadi hiyohiyo ya maba