MPAMBE WA TFF ASIYEJUA MAANA YA MEMORANDUM OF APPEAL

LISITI YA SH MILIONI MOJA YA MALIPO YA RUFAA YALIYOFANYIKA OKTOBA 21....WAKATI JUZI TFF ILISEMA HAIKUWA IMEPOKEA RUFAA. 

Upambe kitu kibaya sana!Kuna kiongozi mmoja wa TFF ambaye amekuwa akijitahidi kuandika matusi na kashfa kila stori ya TFF inapowekwa kwenye blog hii.

Jana niliweka Memorandum of Appel aliyoipeleka Dk Damas Ndumbaro TFF na ikapokelewa na Boniface Wambura.

Ajabu mtu huyo ambaye amekuwa akiandika matusi kuonyesha si mtu mwelevu, asiye na hoja na anaonyesha picha halisi ya alipo, akasema eti hiyo si rufaa akisisitiza SALEHJEMBE ana upeo mdogo na hajui lolote.

HII NDIYO RUFAA YA DK NDUMBARO KWA TFF...

Kidogo inashangaza, ingawa ni jambo jema maana inasaidia kujua nanihii anaungwa mkono na watu wa aina gani.

NITAMSAIDIA kidogo; Memorandum of appeal ndiyo rufaa yenyewe na utaona kuna sababu nne za kukata rufaa zimeorodheshwa.

Alichokuwa anakizungumzia mpambe huyo wa nanihii ni intension to appeal au intension to appeal, unaweza kusema nia au lengo la kukata rufaa.

Sasa sijui kama kweli anajua sana sheria amefundishwa na nani.

Najua anapigania maslahi ya TFF kwa kuwa anapata nafasi ya kula.

Simkatazi kuchangia, Saleh Ally hajawahi kukwamishwa na maneno ya shombo.

Fikria, leo mwaka wa 15 naandika michezo, matusi au maneno mangapi ya shombo nimekutana nayo, bado nasonga, bado nasema ukweli na siogopi.

Mara nyingi watu wengi wenye upeo mdogo au mduchu kabisa hukimbilia matusi palipo na hoja msingi.

MNIAMNI, watu kama hao ndiyo wananipa nguvu ya kutosimama na kuendelea kuonyesha ujinga na upuuzi walio nao.

Siku itafika nitawataja majina kwa kuwa nalifanyia kazi kitaalamu kabisa. (JUU PALE KUNA LISITI, SASA KAMA INTENSION TO APPEAL NAYO INALIPIWA, BASI NI HATARI!)

MWISHO na msisitizo kwa Watanzania wenzangu, tutetee maslahi ya mpira wetu, si matumbo yetu, tutakuwa wabinafsi.

Hoja za Dk Ndumbaro, zijibiwe kwa hoja, kama amekosea, basi akosolewe bila ya woga pia. Lakini mambo hovyo na kuyumba kwa TFF au ubabe unaotaka kufanya na shirikisho hilo, usipewe nafasi. TFF si ya mtu, mkoa wala kundi la wapambe fulani ambao wameteuliwa kuwa viongozi kwa kuwa tu walishiriki kampeni au walimsaidia Malinzi na sasa upuuzi wao wanauonyesha kwa kuzungumza matusi zaidi, kuliko hoja za msingi kwa kuwa uwezo hauwaruhusu kwenda mbali kihoja. MATUSI NDIYO NGAO YAO, KAMWE HAYATAWASAIDIA. WATSHINDWA TU.

Narudia kuweka risiti kuonyesha kuwa kweli Dk Ndumbaro aliwasilisha rufaa kwa wakati mwafaka, pia naweka tena Memorandum of appeal, bwana mpambe, hiyo ndiyo rufaa ndugu yangu, hakuna rufaa nyingine. Hehehe…