KOCHA PLUIJM AJIGAMBA, ASEMA JESHI LAKE SASA NI PANA

Kocha Mkuu wa Yanga, Hans van der Pluijm amejigamba kuwa kikosi chake ni kipana na kinaweza kupambana na mazingora tofauti.

Pluijm raia wa Uholanzi amesema kikosi chake kiko katika hali nzuri kwa kuwa wachezaji wengi wako fiti.

“Kuumia kwa wachezaji kunatokea hasa kutokana na ugumu wa mechi mnazokuwa mnacheza. Hilo halikwepeki hata kidogo.

“Lakini kama angalau utakuwa na uhakika wa kuchagua wachezaji wawili au watatu katika kila nafasi.

“Pamoja na hivyo, inakuwa bora zaidi kama wachezaji wote wanakuwa fiti. Unakuwa na uhakika ucheze aina fulani ya mfumo kulingana na unavyotaka.

“Kinachonifurahisha kwa sasa ni namna wachezaji wanavyopambana, wanajua tunataka nini na nini kifanyike sasa,” alisema Pluijm akionekana kuwa na uhakika.

Yanga inaongoza Ligi Kuu Bara ikiwa na pointi 43, inafuatiwa na Azam FC 38 na Simba nafasi ya tatu ikiwa na 35.