AFRICAN SPORTS SASA YAMTAKA KOCHA WA MGAMBO SHOOTING

Mambo yameanza Tanga kwani African Sports imeiingilia Mgambo JKT na inataka kumchukua kocha wake Bakari Shime ili awafundishe msimu ujao wa Ligi Kuu Bara.

African Sports ambayo ni hasimu mkubwa wa Coastal Union, imefanikiwa kupanda ligi kuu ikitokea Ligi Daraja la Kwanza na mpango wao wa kwanza ni kuhakikisha wanakuwa na Shime msimu ujao.

Meneja wa African Sports, Ahmed Boznia: “Tunataka kumchukua Shime ili tuwe na kikosi imara, tayari tumeshafanya mazungumzo naye na muda wowote tutafikia muafaka.”

Alisema wameongea na kocha huyo lakini amewataka wamsubiri apumzike kidogo baada ya kumaliza ligi ndipo baadaye waendelee na mazungumzo hayo.

Alipotafutwa Shime alisema: “Siwezi kusema lolote kuhusu jambo hilo, naomba umtafute meneja wangu Binslum (Nassor) atakuambia kila kitu.”

Binslum alipotafutwa alisema hayupo katika nafasi ya kuzungumzia jambo hilo kwa sasa.

Simba yapigwa chini Kagame Cup