BAADA YA KUSALIMIKA LIGI KUU BARA, MGAMBO WAANZA KUJIPANGA

Kesho Jumapili uongozi wa Ndanda FC ya Mtwara utakutana kujadili taarifa ya kocha wao, Meja Mstaafu, Abdul Mingange juu ya ushiriki wao wa msimu uliopita wa Ligi Kuu Bara pia kujua matakwa ya kocha msimu ujao.

Ndanda imenusurika kushuka daraja msimu huu, baada ya kukutana na ushindani wa hali ya juu katika ligi hiyo, hivyo inataka kufanya vizuri msimu ujao.

Katibu Mkuu wa Ndanda, Selemani Kachele, ameliambia Championi Jumamosi: “Tumeshapata taarifa ya kocha na Jumapili (kesho) tutaifanyia kazi ili kujua tutasajili kina nani na tutawaacha kina nani.

“Hatutaki kuwa na kikosi cha mashaka kama ilivyokuwa msimu uliopita ambapo ilibaki kidogo tushuke daraja, hivyo tutakuwa makini na usajili.”