MBAO WAIPIGA MKWARA SINGIDA UNITED, WAPANIA KUBAKI NA POINTI TATU NYUMBANI

MSHAMBULIAJI wa timu ya mbao FC, Evarigestus Mjahukwi amesema anaimani ya kikosi cha Mbao kuibuka na ushindi mbele ya wapinzani wao Singida United katika mchezo wa leo watakaokuwa nyumbani Uwanja wa CCM Kirumba.

Mjahukwi amesema kikosi kina morali kubwa kutokana na uimara wa safu yao ya ushambuliaji ambayo inaongozwa na Said Khamis jr.

"Tupo tayari kwa mchezo wetu wa leo dhidi ya Singida United, nguvu kubwa na morali ambayo tunayo itatufanya tuibuke na ushindi, mashabiki watupe sapoti tufanye vizuri," alisema Mjahukwi.

Mjahukwi ana mabao matatu aliyofunga mpaka sasa kwenye Ligi Kuu Bara na yote alifunga akitokea benchi amekuwa na wakati mgumu kutokana na kusumbuliwa na majeraha ya mara kwa mara.