KUMEKUCHA SASA SIMBA, WAITANGAZIA VITA AZAM FC NAMNA HII

BAADA ya kutolewa rasmi kwenye michuano ya kimataifa uwanja wa Taifa kikosi cha Simba na UD do Songo sasa wameamua kuitangazia vita mpya Azam FC upande wa makombe ya kutwaa.

Azam FC inashikilia makombe mawili kwa sasa ikiwa ni lile la FA na kombe la Mapinduzi, msimu ujao ina kazi ya kuyatetea baada ya Simba kuyatolea macho yote kwa sasa.

Patrick Aussems, Kocha Mkuu wa Simba alisema kuwa haikuwa mipago yao kuondolewa michuano ya kimataifa na timu ya UD do Songo hivyo akili zao zinaelekea kwenye kutwaa makombe yote watakayoshiriki.

“Tumetolewa kwenye michuano ya kimataifa ni maumivu makubwa, hivyo tiba yetu ipo kwenye kutwaa makombe yote ambayo tutashiriki kuanzia sasa kwa kuanza na la ligi ambalo lipo mkononi.

“Mbali na kombe la ligi pia tunahitaji kutwaa kombe la FA hata Mapinduzi tukishiriki lazima tupambane kulitwaa wakati tunajipanga kwa ajili ya msimu ujao kurejea kimataifa,” amesema.

Kauli hiyo ni sawa na kutangaza vita kwa Azam FC ambao mipango yao ni kutetea makombe yao yote mawili waliyonayo mkononi.