MROMANIA WA AZAM FC AWEKWA KWENYE TAGETI KALI NA KAGERA SUGAR KESHO

MECKY Maxime, Kocha Mkuu wa Kagera Sugar amesema kuwa watapambana kesho mbele ya Azam FC ili kufuta uteja na Azam FC ambao msimu uliopita waliipiga nje ndani.

Kesho Azam FC inayonolewa na Mromania, Arstica Cioaba itaikaribisha Kagera Sugar kwenye mchezo wa ligi utakaochezwa uwanja wa Azam Complex majira ya saa 1:00 usiku.

Akizungumza na Saleh Jembe, Maxime amesema kuwa maandalizi ya kikosi yapo sawa na wanatambua ubora wa wapinzani wao jambo linalowafanya wajiamini.

“Tunatambua kwamba tutacheza na timu ya aina gani jambo ambalo linatufanya tuamini kwamba tutapata matokeo chanya, hesabu kubwa ni kushinda kisha mengine tutazungumza baadaye,” amesema.

Mchezo wa kesho utakuwa wa pili kwa Cioaba ambaye ni kocha mpya aliyerithi mikoba ya Etienne Ndayiragije ambaye kwa sasa amepewa majukumu ya kuinoa timu ya Taifa Stars.