KOCHA YANGA AJIWEKA SOKONI, ATAMBA KUFANYA MAAJABU MAPYA

JUMA Pondamali, kocha wa zamani wa makipa ndani ya kikosi cha Yanga amesema kuwa kwa sasa yupo tayari kufundisha timu ambayo inamhitaji kutokana na uzoefu alionao.

Pondamali alikuwa mwalimu wa Beno Kakolanya ambaye kwa sasa yupo Simba pamoja na Klaus Kindoki kipenzi cha Zahera ambaye amerejea nchini Congo.

Akizungumza na Saleh Jembe, Pondamali amesema kuwa alijipa likizo ya muda na sasa muda wake umekamilika kilichobaki ni kurejea uwanjani akiwa na akili mpya zitakazosaidia timu kufanya vizuri.

“Natambua mbinu zote za kumfanya mlinda mlango awe kwenye ubora wake mpaka wachezaji wa ndani kwani nimewahi kuifundisha timu nikiwa kocha nilipokuwa Lindi najua mbinu zote.

“Timu ambayo inahitaji kocha wa makipa nipo tayari kufanya majaribio hata kwa muda wa wiki mbili wenyewe watakubali kazi yangu na kunipa mkataba,” amesema Pondamali ambaye kwa sasa amegeukia masuala ya muziki.