AZAM FC WAAMBULIA SARE NYINGINE MBELE YA KMC

MUDHATHIR Yahya, kiungo mshambuliaji wa Azam FC leo ameokoa jahazi la Azam FC kwa kufunga bao la kusawazisha dakika ya 81 mbele ya KMC kwenye mchezo wa kirafiki uliochezwa Uwanja wa Azam Complex.

KMC walianza kuandika bao la kwanza dakika ya 55 kupitia kwa Serge Tape nyota anayekipiga ndani ya wana Kino Boys.

Hii inakuwa sare ya pili kwa Azam FC  ambapo walianza kupata sare mbele ya Transit Camp na leo mbele ya KMC.

KMC imeonekana inazidi kuwa imara kwa kucheza soka la pasi nyingi huku wakitulia ndani ya uwanja. 

Mechi nyingine ambazo KMC wamecheza ilikuwa dhidi ya Yanga, Juni 7 ambapo ilishinda mabao 3-0 Uwanja wa Uhuru na Juni 8 dhidi ya Simba ambapo Simba ilishinda mabao 3-1, Uwanja wa Simba Mo Arena.