MZUNGUKO WA PILI NI MGUMU, WAAMUZI LAZIMA WAWE MAKINI NA WACHEZAJI PIA

WIMBO mkubwa kwa sasa umekuwa ni kuhusu waamuzi kushindwa kwenda na kasi ndani ya uwanja katika mechi ambazo wanachezesha jambo ambao linarudisha nyuma maendeleo ya soka letu.

Ipo wazi kwamba msimu huu ushindani umekuwa mkubwa huku kila timu ikionekana kupambana kwa hali na mali kusaka ushindi ndani ya uwanja.

Hesabu kubwa kwa timu zote ni kupata ushindi na matokeo chanya ila mwisho wa siku kila baada ya dakika 90 kukamilika wapo ambao wamekuwa wakilalamika kwamba wanashindwa kupata matokeo kutokana na waamuzi.

Ikiwa kila ambaye anashindwa kupata matokeo chanya anageukia kwa waamuzi hili sio afya kwa soka letu kwa kuwa pale ambapo presha inakuwa kubwa inakuwa ngumu kwa timu kuweza kufikia malengo.

Jambo la msingi ambalo ni wito wangu ni kwamba kila mtu ndani ya uwanja atimize majukumu yake na itafanya haya malalamiko yaweze kupungua kwa kuwa kila jambo linawezekana.

Kwa timu ambazo matokeo yao yamekuwa ni ya kusuasua ni muhimu kuongeza nguvu kwenye mzunguko wa pili ili kuweza kupata matokeo chanya.

Inawezekana kwa kila timu kuweza kuwa kwenye mabadiliko ndani ya uwanja na kupata matokeo ambayo ni mazuri pale ambapo wataamua na mwisho wa siku watarejesha tabasamu kwa mashabiki wao.

Mashabiki wanapenda kuona ligi yenye ushindani inayovutia kuitazama kila siku na sio kila baada ya mechi kuisha mtu unajutia kwa nini ulipoteza muda wako.

Ikiwa kila siku malalamiko yatakuwa ni kwa waamuzi hii sio afya kwa kuwa soka letu linapaswa lizidi kupanda chati kutoka hapa lilipo kwani kila kitu kinawezekana.

Kuanzia kwa mashabiki ambao wamekuwa wakifuatilia soka kwa ukaribu wameanza kubadili nyimbo za kushangilia ndani ya uwanja na badala yake wanaimba refa.

Kuhusu hili pia ni muhimu waamuzi wakaongeza umakini zaidi katika kutimiza majukumu yao kwani imani yangu ni kwamba kila mmoja anatimiza majukumu yake ila makosa hayawezi kuepukika.

Kwa namna ambavyo mzunguko wa pili unakwenda kuna vita kubwa kwenye suala la kutwaa ubingwa wa ligi pamoja na zile ambazo zinapambana kushuka daraja.

Vita hii ni nzuri kwa kuwa inafanya ushindani unakuwa mkubwa hivyo ili izidi kuwa nzuri zaidi ni lazima kwa waamuzi nao kuwa makini kwenye maamuzi ambayo wanatoa.

Sheria 17 zifuatwe kwa umakini ili kupunguza kabisa zile kelele na kuweza kufanya hivyo kutaongeza ushindani zaidi ndani ya uwanja kwa kuwa kila timu inahitaji ushindi.

Duniani kote hakuna mwalimu ambaye anapenda kuona timu inapoteza kwa kufungwa ikiwa inasaka pointi hata kwenye mechi za kirafiki pia kila timu inahitaji kupata ushindi.

Mashabiki nao wana kazi ya kuendelea kuzipa sapoti timu zao ndani ya uwanja ili kuweza kuongeza hamasa kwani mpira unahitaji mashabiki. Pia wanapaswa wapunguze presha ndani ya uwanja.

Ipo wazi kwamba mashabiki ni sehemu ya mafanikio ya timu kuweza kupata matokeo ila ikiwa watakuwa wanazomea muda wote na kuzipa presha timu zao zitawafanya wachezaji washindwe kutulia.

Ukweli ni kwamba ili timu ifanye vizuri ni muhimu kila kitu kikawa kwenye mpangilio mzuri. Imani yangu ni kwamba jambo pekee ambalo linatakiwa ndani ya uwanja ni maandalizi mazuri na kujipanga katika kila jambo.

Timu zote pamoja na wachezaji ni muhimu kutambua kwamba ushindani ndani ya ligi unazidi kukua kila iitawapo leo na kila timu inahitaji ushindi ndani ya uwanja.

Pia ikiwa kila kitu kitakuwa sawa na maandalizi yatakwenda sawa ndani ya uwanja ni mwanzo wa kupata matokeo chanya uwanjani.

Jambo la msingi ni kuongeza nguvu kubwa kwenye maandalizi ambayo ni mwanzo wa kupata matokeo mazuri ndani ya uwanja.

Ikiwa kila mmoja atapambana kusaka ushindi  ndani ya uwanja itatoa fursa ya zile lawama na kelele kutoka kwa mashabiki kupungua ama kuisha kabisa.

Kitu pekee ambacho wanahitaji mashabbiki ndani ya uwanja ni kuona kwamba timu inapata matokeo ndani ya uwanja.

Umuhimu wa kila mechi kuwa ni fainali huku kila waamuzi watakaopewa mechi kuchezesha kuzidisha umakini upo kila wakati.

Jambo la msingi ni kuona kwamba mzunguko huu wa pili yale makosa ambayo yalikuwa yanafanyika yanapunguzwa ama kuachwa kabisa.

Ninaona kwamba mzunguko wa pili utakuwa na ushindani mkubwa zaidi kuliko ule wa kwanza kwa kuwa hapa ni mwisho wa hesabu kwa timu zote ndani ya ligi.

Ikiwa timu itashindwa kupata matokeo chanya wakati huu itakuwa ngumu kuweza kufikia malengo ambayo wamejiwekea.

Kila kitu kinawezekana ikiwa kutakuwa na maandalizi mazuri kwa kuwa kila kitu kwenye mpira kinahitaji maandalizi na utekelezaji kwa wakati.