GOMES ANAAMINI KWAMBA WATASHINDA MBELE YA YANGA

KOCHA Mkuu wa Simba, Didier Gomes amesema kuwa wachezaji wake wanajiamini na anaamini kwamba watafanya vizuri kwenye fainali dhidi ya Yanga pamoja na mchezo wa Ligi Kuu Bara unatarajiwa kuchezwa Uwanja wa Mkapa.

Julai 3, Simba itakuwa na kibarua cha kumenyana na Yanga, Uwanja wa Mkapa pia itakuwa na kazi ya kumenyana na Yanga kwenye mchezo wa fainali ya Kombe la Shirikisho Julai 25.

Jana, Julai 26, Simba ilishinda bao 1-0 dhidi ya Azam FC kwenye mchezo uliochezwa Uwanja wa Majimaji, Songea. Itakutana na Yanga katika fainali ya Kombe la Shirikisho.

Yanga wao walishinda bao 1-0 dhidi ya Biashara kwenye nusu fainali ya kwanza iliyochezwa Uwanja wa Ali Hassan Mwinyi, Julai 25.

Gomes amesema:"Tuna wachezaji wazuri nina amini kwamba kuelekea kwenye fainali utakuwa mchezo mzuri na mgumu lakini tupo tayari kwa ajili ya ushindani.

"Nina amini kwamba Yanga ni timu nzuri lakini hakuna namna wachezaji wangu wanajiamini na wapo vizuri hatuna mashaka tutafanya kazi kubwa ili kufikia malengo yetu ya kutwaa ubingwa," .

Simba ni mabingwa watetezi wa Kombe la Shirikisho ambapo walitwaa taji hilo kwenye mchezo wao wa fainali walipokutana na Namungo FC.

Ni bao la Luis Miquissone liliwanyanyua kwenye benchi la ufundi na kuwafanya washangilie kwa nguvu kwa kuwa mchezo ulikuwa na ushindani mwanzo mwisho na bao lao walipachika dk 89.