MKUU WA MKOA WA MWANZA AONGOZA MAMIA SAFARI YA MWISHO YA MSHAMBULIAJI MBAO ALIYEFIA UWANJANI

Mamia wa wakazi wa Mwanza wakiongozwa na Mkuu wa Mkoa wa Mwanza, John Mongella wamejitokeza kwa wingi wakati wa mazishi ya mshambuliaji kinda wa Mbao FC, Ismail Mrisho Khalfan.

Mrisho alifariki dunia jana mjini Bukoba baada ya kuanguka wakati akiwania mpira na beki wa Mwadui FC katika michuano ya vijana chini ya miaka 20 na kufariki dunia.

Kifo cha mshambuliaji huyo kinda kimezua taharuki kubwa miongoni mwa wapenda michezo, soka na watu wa kawaida.