IVORY COAST FULL VITUKO, WACHEZA MPIRA UFUKWENI, WAGOMA KUTOKEA GYMKHANA, MKUTANO WA WAANDISHI

Inaonekana wazi kuwa Ivory Coast hawaichukulii kilahisi mechi dhidi ya Taifa Stars, kwani hawajataka hata kidogo kuonyesha wanafanya nini.

Jana wamesusia, hawakutokea katika mazoezi ya timu yao ambayo yalipangwa kufanyika kwenye Uwanja wa Gymkhana jijini Dar,

Lakini leo viongozi wao hawakutokea katika mkutano wa waandishi wa habari bila ya taarifa yoyote.

Mambo hayo mawili yanaonyesha kuwa Ivory Coast haitakuwa na mzaha na mechi hiyo ya kesho dhidiya Taifa Stars.

Badala yake jana, Salehjembe ilishuhudia wakifanya mazoezi mepesi ya kupiga danadana karibu na ufukwe wa hoteli ya Bahari Beach waliyofikia.

Lakini kwenye mkutano, Kocha Mkuu wa Stars, Kim Poulsen na nahodha Juma Kaseja ndiyo walifika pale na hakuna aliyejitokeza kutoka kwa wageni hao.

Katika mechi ya  mjini Abidjan, Stars ililala kwa mabao 2-1 tena kwa taabu sana, hivyo kikosi hicho wanajua kwamba kazi si lahisi kwa kuwa Stars wako sawa.

Ila uhakika, Ivory Coast watafanya mazoezi leo na tayari watu wao wawili walikwenda kuukagua uwanja.

Jana walifanya hivyo kwenye Uwanja wa Gymkhana, halafu wakayeyuka tu bila ya kufanya kitu chochote na timu haikutokea.

Stars inahitaji ushindi kuzidi kuweka matumaini, kama itapoteza mechi ya kesho, maana yake itakuwa imejitoa katika mbio za kuwania kwenda Brazil.