MAGUFURI AVUNJA OFISI YA MALKIA WA NYUKI JIJINI DAR

Utekelezaji wa amri ya Waziri wa Ujenzi na  Miundombinu, John Pombe Magufuri umemuathiri Mlezi wa Simba, Rahma Al Kharusi maarufu kama Malkia wa Nyuki baada ya moja ya ofisi zake jijini Dar es Salaam kubomolewa.

Ofisi hiyo ambayo ilikuwa inaendesha shughuli za kampuni ya kuuza mafuta ya RPB Oil inayomilikiwa na Malkia wa Nyuki imepobomolewa.

Bomoabomoa hiyo ya Magufuri imepamba moto katika Barabara ya Old Bagamoyo na majumba kadhaa yamepobolewa kwa kuwa kuna ujenzi wa kuitanua barabara hiyo.

Ofisi ya Malkia wa nyuki ilikuwa katika ghorofa ya kwanza ya jengo la Green Acres, katikati ya makumbusho na Victoria na imevunjwa.

Ingawa jengo hilo halijavunjwa lote, lakini sehemu ya ofisi ya RPB Oil iliyokuwa upande wa barabarani imebomolewa yote.

Malkia wa nyuki ndiye mwanamama aliyetikisa katika soka mwishoni mwa  msimu uliopita baada ya kuilipia Simba zaidi ya Sh milioni 70 kwenda kuweka kambi nchini Oman.

Lakini akalipa tena zaidi ya Sh milioni 50 kumpa kocha Milovan Cirkovic aliyekuwa anaidai Simba bila ya mafanikio. Baada ya hapo, Malkia wa nyuki amekuwa kimyaa na mashabiki wengi wamekuwa wakihoji kutaka kujua aliko.

Taarifa zinaeleza yuko nchini Oman anakoendelea na biashara zake, lakini ndugu yake mwingine alisema amebanwa majukumu ya makampuni yake nchini Marekani.